منوعات

الشاعرة أحلامـ محمد تكتب: من وجهة نظر العالم

الشاعرة أحلامـ محمد تكتب: من وجهة نظر العالم

احلام محمد

من عدسه بعيده عن العلاقات…
حرب الأزمات…حرب الآله
بنوته بفستانها البمبي معجونه بقوة رجاله
بتمد ف ايدها لبدلة بيه
وتقوله الورد بيندهلك
بيبص عليها بنص عينيه
والضحكه لزوم المرازيه
ويقدم خطوه مع الافيه
تسكت هيّ…
وتبص علي الورد ف ايدها وتبص عليه
وتقول خسران ماهو من جهلك
تتقدم هي كمان خطوه ولبيه تاني
والله الورد بيندهلك….
قطعو المشهد…
قصوا الاحداث المرئيه
من عدسة عينهم والعالم ظهرت هيّ
وف صوره تماماً متناقضه
البيه كان رمز الخير والود
والحلوه بفستانها دي ظهرت
اكبر تصوير للسخريه!

 

مقالات ذات صلة

زر الذهاب إلى الأعلى