منوعات

الشاعر اشرف عبد العزيز يكتب: كل واحد

الشاعر اشرف عبد العزيز يكتب: كل واحد

 

اشرف عبد العزيز 

كل واحد عنده همه ليه تشيل للناس هموم !
م انت عندك بردو ياما من همومك ألف كوم
عدّي موج البحر جري وان تعبت خدها عوم
وارمي خلفك أي همّ وأي غُمّه سيبها قوم
كل واحد عنده حلمه بس في الواقع عناد
والحقيقة جوه قلبه عشقها ملو الفؤاد
كل ما يقرب ثواني يلقى منها البعاد
هي راحت راح وراها كل الحب والوداد
كل واحد جوه منه شيء ودايما بيداريه
وانت مش لازم تلح ومش كل شويه تواسيه
سيبه لو عايز يقولك كان هيقولك ع اللي فيه
واوعى مره سر غيرك تخرجه لو بينكم ايه
كل واحد ليه اللي عامله وعليه اللي عليه

 

مقالات ذات صلة

زر الذهاب إلى الأعلى